Rrugët e nisura dhe të papërfunduara, Anamorava terrorizohet tash e dy vite

Gjilan – Rruga në dalje të Gjilanit në drejtim të Prishtinës është nisur dhe nuk është afër përfundimit, madje kjo rrugë mund t`i takojë të kaluarës me këtë tempo. Edhe rruga në drejtim të Bujanocit po punohet me hapa të breshkës. Qytetarët ndërkaq thonë se janë terrorizuar për këto dy vite për shkak të rrugëve të dëmtuara dhe të bllokuara për qarkullim.

Vonesat dhe stërzgjatja e punimeve me të drejtë po i bënë nervoz qytetarët gjilanas e sidomos vozitësit ata që frekuentojnë çdo ditë rrugët në dalje të Prishtinës, Bujanocit dhe Ferizjait.

Si për inat po bëhen dy vite që në këto rrugë punohet me hapat e breshkës dhe askush nuk ndërmerr asgjë.

Zylfija një gjilanas thotë se këto rrugë i kanë shkaktuar trauma gjatë vozitjes.

”E frekuentojë shpesh rrugën e Bujanocit dhe nuk e kam të qartë si është e mundur të punohet aq ngadalë, dhe aq keq e jo profesionalisht. Mendoj që as këtë vit kjo rrugë nuk pritet të përfundojë” shprehet ai.

Mevludini një tjetër qytetar mendon se fajet kryesore i ka Qeveria e cila po i neglizhon kompanitë dhe nuk po ndërmerr masa ndëshkuese.”Kompanitë duhet të gjobiten ose dënohen nëse nuk e kryejnë punën me kohë dhe sipas kontratës. Pse me u ngutë kompanitë kur Qeveria heshtë dhe i tolero” shprehet Mevludini.

Muharremi një qytetar vitias thotë se është e pakuptimtë të flasësh tashmë për rrugët në Kosovë.
“Jam gati qe 40 vite vozitës i rrugëve sepse punoj taksi, por kjo rrëmujë nuk ka ndodhur asnjëherë në jetën time. Është për turp e gjynah kjo gjendje” shprehet ai./rajonipress/