Rruga që të tremb

Gjilan – Osman Ibrahimaj qytetar në lagjen “Dheu i Bardhë” rruga IV e njohur si “Vëllezërit Frashëri” thotë se rruga e tyre është katandisur aq keq sa që të tremb. Ai ankohet se pusetat janë hapur dhe askush s`ka dal në vendin e ngjarjes. Sokol Haziri thotë se nuk është në sektorin e tij kjo çështje pasiqë ajo shkon me zyrën e projekteve.

Osman Ibrahimaj qytetar në lagjen “Dheu i Bardhë” është i revoltuar në organet komunale të cilat nuk kanë bërë asgjë që rruga e tyre të ndërtohet sipas standardeve të kërkuara. “Neve na është thënë që t`i heqim pusetat sepse po shtrohet asfalti. Tani pusetat janë hequr kurse rruga ka mbetur shkretë. Askush nga zyrtarët komunal nuk ka dalur në vendin e ngjarjes” tha Ibrahimaj.

Ibrahimaj tha se Komuna dhe drejtoria e shërbimeve publike nuk po reagojnë, derisa rruga ka mbetur shkretë dhe ne nuk po mund të lëvizim. “Nëse nuk rregullohet rruga sipas standardeve ne do të bllokojmë dhe nuk do ta pranojmë asfaltin që është paraparë për këtë rrugë” tha Ibrahimaj.

Ankesa për mos rregullim si duhet të rrugëve ka pasur edhe nga banorët e rrugës “Shyt Marevci”. Banorët e kësaj rruge janë ankuar se kanë mbetur pa kanalizim. “Qeverisja komunale po shtron asfalt pa i rregulluar kanalizimet” ka shkruar në adresë të rajonipress një banor i kësaj rruge.

I kontaktuar nga rajonipress Sokol Haziri drejtor i shërbimeve publike tha se ankesat e këtyre banorëve nuk janë në resorin e tij sepse ato realisht i përkasin zyrës së projekteve./rajonipress/