“Rruga e Prishtinës”, ende në gjendje të mjerueshme

Gjilan – Hyrja dhe dalja nga Gjilani në drejtim të Prishtinës e njohur edhe si rruga e Pasjakit, vazhdon të mbetet në gjendje të mjerueshme. Qeveria Kurti asnjë hap nuk e ka ndërmarrë për ta finalizuar këtë projekt e nisur në kohën e Qeverisë Hoti.

Në përshkrim të kësaj rruge kanë mbetur vetëm disa puseta të hapura dhe lëshuese për nevojat e kanalizimit ndërsa pjesa tjetër është mbetur shkret.

“Rruga në hyrje dhe dalje të Gjilanit në drejtim të Prishtinës po tregon në gjendje mjerimi të Qeverisë qendrore dhe lokale dhe një paaftësi për ta realizuar këtë projekt të rëndësishëm për Gjilanin” u shpreh Mustafa, një banor që jeton në afërsi të kësaj rruge.

Murseli qytetar tjetër thotë se rruga e tanishme krijon pasiguri për vozitësit dhe kalimtarët dhe është urgjente të rregullohet.

“Këta të Albin Kurtit ishin njerëz të çuditshëm sepse kudo që kanë prekur e kanë lënë shkret. Vërtet kjo s`është pritur nga Albini sepse kemi besuar në ndryshim, e na doli më i keq se të tjerët” u shpreh Murseli./rajonipress/