“Rruga e Prishtinës”, ende në gjendje të mjerueshme, askush nuk kujdeset për të, tash e pesë vite

Gjilan – Hyrja dhe dalja nga Gjilani në drejtim të Prishtinës e njohur edhe si rruga e Pasjakit, vazhdon të mbetet në gjendje të mjerueshme. Qeveria Kurti asnjë hap nuk e ka ndërmarrë për ta finalizuar këtë projekt e nisur në kohën e Qeverisë Hoti. Askush nuk e merr përgjegjësinë për këtë devijim ekstrem dhe vonesa të pafund.

Në vend se hyrja e Gjilanit që vije në drejtim të Prishtinës të jetë e bukur dhe model për qytetin, ajo i ngjanë një karantine epidemiologjike e cila ka mbetur e shkretë tash e pesë vite.

Banorët e kësaj zone kanë ankesa të shumta dhe thuajse janë lodhur nga premtimet dhe rrenat e Qeverisë.

Jakupi një banor i kësaj zone thotë se këtu është një defekt i madh dhe një papërgjegjësi totale e Qeverisë Kurti i cili edhe pse kaloi me qindra herë sidomos gjatë fushatës kurrë se ka ngritur as si shqetësim po as si interesim këtë vonesë ekstreme” tha Jakupi.

Edhe Enveri një qytetar tjetër thotë se rruga e tanishme krijon pasiguri për vozitësit dhe kalimtarët dhe është urgjente të rregullohet.

“Albin baba shumë mirë po ua bënë gjilanasve le ta votojnë prapë Alban Hysenin dhe ta mbajnë pushtetin me rrena e propagandë të Kim Youngit se ndryshe këta s`munden as të funksionojnë e as të ekzistojnë në politikë” tha Enveri./rajonipress/