Gjilan – Besnik Veseli banor nga fshati Livoq thotë se rruga e “Muhaxherëve” ka 18 vite që pret të shtrohet me asfalt. Na kanë mashtruar qe 18 vite se do ta asfaltojnë derisa nuk kemi as kanalizim, kurse i paguajmë të gjitha taksat komunale thotë ai.
Janë 36 shtëpi në rrugën e “Muhaxherëve” që presin tu asfaltohet rruga afër 4 kilometra, afër qytetit.
Banorët e fshatit Livoq thonë se vazhdimisht po i rrejnë dhe mashtrojnë pushtetarët komunal. “Ka 18 vite që na premtojnë në stilin sot e nesër dhe ne ende jemi pa asfalt” shprehet Besnik Veseli banor.
Veseli thotë se kryetari i komunës dhe vartësit e tij duhet ta kuptojnë se edhe ne i paguajmë taksat komunale e tatimet, kurse ende as kanalizim nuk kemi. “Nuk kemi përfituar asgjë nga kjo qeverisje edhe pse kemi bërë kërkesë në organet e komunës. Ata po na rrejnë se do ua shtrojmë herë këtë vit e herë atë vit” shprehet me ironi Veseli./rajonipress/
