Rron Broja vazhdon me Dritën edhe për dy vite

Gjilan – Klubi i Dritës ka njoftuar se ka arritur marrëveshje me mesfushorin Rron Brojen, për të vazhduar bashkëpunimin edhe për dy vite tjera.

Pas vazhdimit të kontratës, Rron Broja, ka theksuar se për të është kënaqësi vazhdimi me “bardhekaltërtit”.

“Është kënaqësi që të vazhdojë me njërin prej klubeve më profesionale dhe më të organizuara. Ndjejë përgjegjësi dhe obligim që klubit dhe tifozëve tanë të ua kthejmë krenarin me suksese vitin që vjen. Faleminderit të gjithëve për besimin dhe për mua nuk ka qenë aspak e vështirë që ti them PO klubit për të vazhduar”./rajonipress/