Rron Broja: Kundër Llapit ndeshje e vështirë

Gjilan – Para ndeshjes kundër Llapit, kapiteni i FC Drita, Rron Broja, në konferencën për media ka deklaruar se ndeshja ndaj Llapit do të jetë e vështirë dhe pret agresivitet.

“Nesër na pret një ndeshje e vështirë ndaj Llapit. Jemi munduar të punojmë gjatë gjithë javës sepse e dijmë që skuadra kundërshtare është përforcuar shumë. Jemi të vetëdijshëm që ndeshjet në Evropë dhe kampionat ndryshojnë, por shpresoj dhe besoj që nesër të qasemi me seriozitet, të jemi agresiv, të fitojmë ndeshjen e parë dhe tri pikë”, ka thënë Broja.

Në kuadër të javës së parë, Drita do të takohet me KF Llapin, e diele ora 17:00, stadiumi sintetik (te rrethi).