Rritja e çmimeve në Kosovë, e pandalshme

Derisa Kuvendi ta shqyrtojë këtë projektligjin për kontrollimin e çmmieve të produkteve bazë, çmimet e produkteve themelore po rriten paparashikueshëm.

Rritja e çmimeve të produkteve bazë është bërë e pandalshme. Në një nga marketet në vend çmimet e produkteve vendore, por edhe të atyre të importuara, janë si vijon:

Buka e bardhë 0.50 – 0.60 euro, Mielli 5 kg – 5.18 euro, Vaji 1litër – 2.89 euro, Qumështi 1litër – 1.15 euro, Vezët 30 copë – 3.89 euro, Fasulet 800 gramë – 2.49 euro, Orizi i bardhë 700 gramë – 1.19 euro, Kripa 900 gramë – 0.45 euro

Rritja e çmimeve vërtetohet edhe nga Agjencia e Statistikave të Kosovës, raporton RTK. Në publikimin e Indeksit të Harmonizuar të çmimeve të konsumit, del se inflacioni në shtator ishte 12,7% më i madh se shtatori i vitit të kaluar.

Indeksi i harmonizuar i çmimeve të konsumit – shtator 2022

Vajra dhe yndyra ushqimore (49.7%)

Bukë dhe drithëra (33.5%)

Qumësht, djathë dhe vezë (25.8%)

Salca, erëza, kripë, ushqim për fëmijë etj. (16.7%)

Gjatë ditës kryetari i LDK-së, Lumir Abdixhiku, ka kërkuar heqjen e TVSH-së për disa produkte elementare, duke përfshirë bukën, miellin, sheqerin, vajin, kripën.

Ai tha se heqja e TVSH-së nuk e dëmton buxhetin e vendit, por e lehtëson përballueshmërin e qytetarëve në këtë krizë të paprecedentë.