Rritet vlera e Valon Berishës

Mesfushori kosovar, Valon Berisha vazhdon të mbetet njëri nga futbollistët më të spikatur në kampionatin austriak.

Berisha ka qenë vendimtar për skuadrën e tij Red Bull Salzburg në dy frontet, kampionat dhe Kupë duke marrë dy trofetë shtetërorë në Austri.

Kjo ka bërë që reprezentuesi i Kosovës të ketë edhe një rritje sa i përket vlerës së tij në tregun e transferimeve.

Faqja e specializuar për transferime ‘Transfermarkt’ tani i ka rritur në katër milionë vlerën mesfushorit kosovar.

24-vjeçari ka përfunduar edhe vitin e pestë në Salzburg derisa ka fituar katër tituj të kampionit dhe tre kupa shtetërore.

Në 46 paraqitje në të gjitha garat për Salzburgun, Berisha ka shënuar tetë gola dhe ka dhuruar 12 asistime. /Telegrafi/