Rritet me kredi
Qeveria e Kosovës po ja sheh hajrin rritjes së numrit të qytetarëve që marrin “kredi për bukë”. Sa më i madh që është numri i atyre që ja mësyjnë bankave për t’i mbuluar nevojat e konsumit aq më shumë rritet në letra ekonomia e vendit.
Sivjet rritja ekonomike pritet të jetë mbi 3 për qind. Sipas vlerësimeve të Bankës Qendrore të Kosovës (BQK) pritjet për vitin 2013 janë se norma e rritjes në Kosovë do të jetë më e lartë e përkrahur nga stabiliteti financiar dhe pritjet se bankat do të zgjerojnë kreditimin, sidomos për ekonomitë familjare (Tribuna).