Rritet krimi në Viti, qytetarët vetëdijesohen dhe raportojnë rastet

Viti – Këshilli Komunal për Siguri në Bashkësi ka mbajtur sot takimin e radhës me këtë rast është diskutuar rreth gjendjes së sigurisë në Komunën e Vitisë. Gjithashtu gjatë këtij takimi Komandanti i Stacionit Policor në Viti, Agim Lipovica ka prezantuar raportin 9 mujor duke bërë krahasime të rasteve të ndryshme për të njëjtën periudhë të vitit të kaluar me këtë vit.

Kryetari i Komunës së Vitisë, Sokol Haliti tha se është shumë e rëndësishme që këto takime po mbahen rregullisht duke potencuar se këto takime sjellin rezultate të frytshme në aspektin e sigurisë. “Me të vërtetë është shumë më rëndësi që këto takime po mbahen rregullisht sepse ato sjellin rezultate të frytshme në aspektin e sigurisë” u shpreh kryetari Haliti.

Ndërkaq Komandanti i Stacionit Policor në Viti, Agim Lipovica pasi që foli rreth gjendjes së sigurisë duke e cilësuar si të qetë dhe stabile paraqiti disa statistika për periudhën 9 mujore të këtij viti duke i krahasuar ato me vitin e shkuar. “Në të njëjtën periudhë të vitit të kaluar i kemi pasur të hapura 575 raste kurse në këtë vit 622 raste nga këto raste 12 të tilla i kemi të drejtuar Drejtorisë Regjionale Qendrore për hetime më të mëtutjeshme kurse me 16 raste janë marrë zyrtarët policor në Viti. Nëse e marrim numrin total të rasteve le për të kuptuar se kemi një rritje prej 47 rasteve, por në aspektin profesional ju them se numri fiks apo statistikat nuk e tregojnë kështu sepse këtu ka qenë një përkushtim i qytetarëve në raportimin e rasteve“ u shpreh Lipovica.

Në këto statistika Komandanti Lipovica paraqiti të dhënat statistikore për vjedhjet e rënda, vjedhjet, shqiptimin e gjobave etj.

Ndërkaq Imri Emerllahu i njoftoj anëtarët e këtij këshilli lidhur me një takim që ka mbajtur dje Ekipi i Veprimit të Sigurisë në Bashkësi me përfaqësuesit e këshillave të fshatrave.

Kurse përfaqësuesi i FSK-së në këtë këshillë Ali Vishi njoftoj të se ka filluar fushata e rekrutimit të pranimit të rekrutëve të FSK-së dhe atë prej 29 shtatorit e deri 22 Tetor që është afati për aplikim.

Gjatë këtij takimi rreth çështjes së sigurisë kanë folur edhe anëtarët e këtij këshilli ndërkaq kjo mbledhje është kryesuar nga zv. Kryetari i Komunës së Vitisë, Hasan Aliu./rajonipress/