Rrënohet tribuna veriore në stadiumin e qytetit

Stadiumi i qytetit në Gjilan ka ndërtuar tribunat në Lindje e Perëndim, ndërsa sot është rrënuar edhe pjesa e fundit e tribunës Veriore në hyrje të stadiumit.

Shumë shikues me vite të tëra kishin përcjellë ndeshje me rëndësi të madhe nga këto shkallë të cilat ishin edhe ikonë e stadiumit.

Ekskavatorët në stadiumin e qytetit po punojnë pa ndërprerë, ata po rrënojnë edhe pjesën e perëndimore
të shkallëve ku edhe gjendet hyrja kryesore për zyrtarët e klubit por edhe zhveshtorja për futbollist.

Ndërsa shtëpia e stadiumit pritet të rrënohet këto ditë ku do të paraqesin probleme të mëdha dy klubeve FC Gjilani e FC Drita për garat e mëtutjeshme.

Përfundimi i stadiumit pritet të bëhet në vitin e ardhshëm./rajonipress/