Rrëfehet Luiza Gega: Kam sakrifikuar shumë për këtë medalje

Dy ditë më parë, atletja Luiza Gega ngjitej në majën e Europës, duke u shpallur kampione në garën e 3000 metrave me pengesa.

Një rezultat i jashtëzakonshëm i kampiones shqiptare, prej vitesh në elitën e këtij sporti, që këtë vit ka qenë në kulmin e saj.

Duke folur për mediat pas këtij suksesi fantastik atletja shqiptare thotë:

“Gjithnjë kam patur besim te vetja, sidomos këtë vit, që kam patur rezultate mjaft të mira kudo që kam garuar. Çdo sportist e ëndërron një gjë të tillë dhe ia dola mbanë ta bëj ëndrrën realitet”.

“E prisja këtë medalje, pasi në gjithë këto vite jam munduar të punoj fort, duke mos toleruar askënd, as veten. Kam sakrifikuar e punuar fort per te arritur këtu ku jam dhe do të doja që mjaft të rinj sot të kuptojnë se sakrifica është ajo që të çon te sukses?”, deklaroi me tej Luiza Gega.

Atletja shpreson që këtë ritëm të ruaje edhe per disa vite, duke shpresuar që t’i sjellë Shqipërisë edhe një medalje olimpike nga Parisi, pas dy vitesh.

“Unë do të vazhdoj të punoj, të përmirësoj veten time dhe të shohim se ku mund te shkoj, tha atletja shqiptare.

Shpërndaje.
© RAJONIPRESS