Rrëfehet Gavazaj: Ja pse e lash Rusinë për t’u kthyer në Shqipëri

Njëri nga talentet më të mëdha të futbollit shqiptar Enis Gavazaj, pas një aventure të dështuar në Rusi te skuadra ruse Eenisey është kthyer në kampionatin shqiptar po jo të Skënderbeu aty ku fitoi gjithçka për të një tjetër skuadër e madhe, Kukësi, shkruan, Zëri.info.

Gavazaj në një bisedë për Zëri.info, ka dhënë edhe arsyet pse vendosi të rikthehet në Shqipëri? A pret ftesë nga trajneri i kombëtares Edy Reya dhe cilat janë synimet e tij me skuadrën kuksiane.

“Pas një aventure jo aq të mirë në Rusia vendosa që të kthehem në Shqipëri për një arsye ta ndihmoj ekipit tim të ri Kukësit dhe gjithashtu edhe vetën për ta rikthyer formen time më të mirë”, ka thënë për Zëri.info, ish futbollisti i Prishtinës, Enis Gavazaj i cili në Kosovës njihet si nga të paktët që nga Prishtina arriti të kalojë në Belgjikë te skuadra e madhe Genk.

“Tani do të fillojmë me përgatitjet në mënyrë që të arrijmë sa më mirë formën fizike. Mendoj se ekipi ka lojtarë cilësorë dhe padyshim do të mundohemi të bëjmë më të mirën”, ka thënë Gavazaj duke folur më pas për ekipin kombëtar të Shqipërisë.

“Sa i përket Kombëtares është çështje sesi do të paraqitem ne ekipin e ri. Besoj se me lojëra të mira të bie në sy edhe të trajnerit të ri të Shqipërisë”, ka përfunduar Enis Gavazaj./Zëri.info