UBT

Rrebeshe shiu e bubullima, moti për fundjavë dhe dy javët e ardhshme

/ 2 minuta lexim
Uji Dea

Rrebeshe shiu dhe bubullima parashihen pasditen e sotme, sipas “Mendimi për motin”.

Vende-vende reshjet edhe mund të jenë paksa më intenzive. Temperaturat minimale zbresin në 9C e 11C, derisa ato maksimale arrinë deri në 24C e 25C.

Rrebeshe dhe bubullima do të ketë edhe të dielën.

ARKATANA

“Ditën e diel rrebeshe më të shumta shiu dhe bubullima përfshinë edhe pjesë tjera të vendit, ndërkohë që temperaturat zbresin në 20C e 22C. Ditën e hënë mundësi për mot relativisht më stabil, me më shumë intervale me diell, e temperaturat sërish rriten në 23C e 24C. Nga dita e martë sërish mundësi për rrebeshe të shiut orëve të pasdites”, thuhet në njoftim.

Ndërkohë, nga muaji i ardhshëm shfaqen sinjale për mot më të qëndrueshëm e të nxehtë/

“Sipas trendeve të fundit për dy javët vijuese, gjatë javës së ardhshme temperaturat zbresin përreth vlerave normale në 20C e 22C, e parashihen periudha me të reshura shiu, së paku deri ditën e enjtë. Nga fundjava, pra nga 1 qershori shfaqen sinjale për mot më stabil, kryesisht me diell, edhepse po mbesin mundësi për ndonjë rrebesh shiu. Mirëpo në javën e parë të qershorit, pas datës 3 sipas modelit europian rriten gjasat për mot kryesisht me diell, derisa temperaturat maksimale shënojnë rritje deri në 28C apo 30C, madje sipas disa variacioneve në modele edhe duke kaluar vlerat prej 30C”, thuhet në njoftim.