Rrebeshe shiu dhe bubullima, parashikimi i motit për javën e ardhshme

Fundjava dhe fillimi i javës së ardhshme me mot jostabil dhe më të freskët. Kohë pas kohe me rrebeshe shiu dhe bubullima. Nga e mërkura intervale më të gjata me diell.

Fusha të presionit të ulët dhe masa më të freskët ajrore në ditët e ardhshme do të depërtojnë mbi rajonin tonë. Si rrjedhojë, pritet të mbajë mot i paqëndrueshëm, dhe më i freskët. Kohë pas kohe priten rrebeshe shiu dhe bubullima, kryesisht orëve të pasdites dhe mbrëmjes, bën të ditur Prishtina Weather.

Shërbimi i meteorologjisë njofton se mot jostabil parashihet edhe në ditët e para të javës së ardhshme, kohë pas kohe me rrebeshe shiu dhe bubullima. Nga dita e mërkurë, sipas parashikimeve të fundit, pritet një periudhë më stabile, me më shumë diell dhe rritje të temperaturave.

Parashikimi për periudhën 4-8 korrik:

4.07 – Vranësira dhe intervale me diell. Në mëngjes në vise të ulëta mundësi për mjegull. Pasdite dhe në mbrëmje priten zhvillime të rrebesheve me bubullima, me mundësi edhe për breshër.

5.07 – Vranësira dhe intervale me diell. Pasdite më vonë dhe në mbrëmje mundësi për ndonjë rrebesh shiu dhe bubullimë.

6.07 – Kryesisht me vranësira dhe intervale me diell. Nga mesdita priten rrebeshe shiu me bubullima.

7.07 – Kryesisht me vranësira. Ditën dhe në mbrëmje me rrebeshe shiu dhe bubullima.

8.07 – Kryesisht me diell.

Temperaturat e ajrit do të zbresin përreth vlerave mesatare. Minimalet do të luhaten nga 14C deri 17C, e maksimalet nga 23C deri 28C.

Era do të fryjë e lehtë dhe mesatare nga verilindja 4-13m/s.

Shtypja atmosferike do të luhatet përreth vlerave normale.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).