Rrebesh golash në “Riza Lushta” të Mitrovicës

Në javën e 29 të Vala Superligës së Kosovës në futboll, lideri aktual Trepça ’89 me lehtësi i ka shkaktuar skuadrës së Gjilanit humbjen më të thellë në këtë kampionat me rezultat 5-2.

Me këtë fitore “Minatorët” nga Mitrovica me një dorë janë duke e prekur titullin e kampionit për herë të parë në historikun e klubit.

Serinë e golave vendasit e hapën në sekondën e 47-të, kur kapiteni Idrizi shërben bukur Lorent Hasanin i cili nga 10 metra me kokë shënon.

Në minutën e 10-të, Hasani edhe njëherë del në skenë pranon një top dhe nga 16 metra lobon Kaciun e mysafireve duke ngritur epërsinë në 2-0.

Në minutën e 34-t,ë Gëzim Rusi ndalet në mënyrë të palejuar në 16 e mysafireve dhe gjyqtari i këtij ballafaqimi Besfort Kosumi akordon penalti, i pa gabuar ishte Isa Eminhaziri i cili shënon në stilin “Panenka” duke zbutur rezultatin në 2-1.

Tre minuta para përfundimit të pjesës së parë, kapiteni Idrizi harkon ku më së miri gjendet Lladrovci i cili me kokë nga 10 metra gjen këndin e epërm të Kaciut duke ngritur epërsinë në 3-1.

Rezultatin në 4-1 e ngrit golashënuesi më i mirë i Superligës Oto John, i cili nuk e patë vështir të gjejë rrjetën nga 10 metra.

Gjyqtari Kosumi në minutën e 58-të, ndëshkon me karton të kuq futbollistin vendas Ilir Izmakun ndërsa të njëjtin fat e patë edhe Isa Emin haziri i Gjilanit në minutën e 74-të.
Futbollistët vendas të cilët zhvilluan një lojë brilante në minutën e 71-të, nëpërmjet Përparim Islamit ngrisin epërsinë në 5-1 i cili shënon nga me një gjuajtje të fort.

Futbollistët e Gjilanit në minutën e 76-të arrijnë të zbusin epërsinë në 5-2, nëpërmjet Egzon Shabanit i cili shënon pas një devijimi në këndin e djathtë të portës së Trepçës ’89.

Trajneri i Gjilanit, Arbnor Morina, pas ndeshjes ka theksuar.
“Kjo ndeshje është debakël për skuadrën time, futbollistët e mijë gabuan në çdo element. Trepça ’89 luajti prefekt dhe me meritë është lidere e Superligës”.

Homologu i Morinës, Zekirja Ramadani, deklaroi.
“Zhvilluam ndeshjen më të mirë në këtë kampionat ku treguam karakter të fortë, ndeshja e sotme tregoi se ne jemi më të mirët në futbollin e Kosovës dhe për këtë jam shumë i lumtur”.

Xhiro e radhës zhvillohet në mesjave, Gjilani do të jetë nikoqir i Drenicës kurse Trepça ’89 do të jetë mysafir i Besës nga Peja./sylejman ismajli/rajonipress/