Rrahu nënën, arrestohet e dyshuara

Kamenicë – Policia e Kosovës në Kamenicë ka pranuar një informatë lidhur me një rast “Dhunë familjare”, në fshatin Muqivercë, komuna e Kamenicës. Njësitet patrulluese me urgjencë ju kanë përgjigjur rastit duke dalë në vendin e ngjarjes. Nga hetimet e para mësohet se e dyshuara femër shqiptare shtetase e Kosovës pas një mosmarrëveshje që kishte me nënën e saj e njëjta e ka goditur në fytyrë duke i shkaktuar lëndime të lehta trupore. E dyshuara është intervistuar nga ana e Policisë së Kosovës dhe të njëjtës i është caktuar masa e ndalimit prej 48 orëve.

Rasti procedohet në Prokurorinë Themelore njoftoj policia e Kosovës./rajonipress/