Rrahmani tregon arsyen pse zgjodhi Napolin para ofertave tjera

Mbrojtësi i Hellas Veronas, Amir Rrahmani, i cili pas ofertave të shumta vendosi t’i bashkohej Napolit, ka treguar pse zgjodhi pikërisht Partenopei.

Në afatin e janarit është kryer marrëveshja e transferimit të kapitenit të Kosovës për 14 milionë euro, por ai ka mbetur i huazuar te skuadra aktuale deri në fund të sezonit.

“Do ta pranoj, nuk kam pritur interesimin e Veronas kur kam ardhur, sepse isha në bisedime me klubet nga vendet tjera, mirëpo sapo më erdhi mundësia që të transferohesha në Itali, hoq dorë nga gjithçka tjetër”.

“E dija se vetëm Serie A do të më lejonte të tregoja se çfarë mund të bëja në të vërtetë. Ishte njësoj me Napolin, trajneri Ivan Juric bisedoi me mua para se të nënshkruaja dhe më kërkoi t’i premtoja se do të tregoja të njëjtin nivel të performancës. Mendoj se e kam mbajtur fjalën, sepse qasja ime e vetme ndaj futbollit është me profesionalizëm të plotë”.

“E dua Veronan, por mu dha mundësia që t’i bashkohesha Napolit, një skuadër që ka ambicie për të konkurruar në secilën garë dhe përpiqet t’i shkojë deri në fund. E kapa me të dy duart, por duke mos harruar që t’i falënderohesha klubit që më ndihmoi të vija në këtë pikë”, ka deklaruar Rrahmani për Corriere dello Sport. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).