Rrahmani përfshihet në ekipin ideal të javës në Rumani

Albion Rrahmani ka nisur ta rikthejë formën e dikurshme pas lëndimit të rëndë që e kishte pësuar vitin e kaluar.

Ylli kosovar shkëlqeu në fundjavë duke e shënuar njërin nga dy golat e Rapid Bukureshtit në fitoren 2:1 ndaj Otelulit, shkruan “Gazeta Express”.

Dhe, kjo ka bërë që përfaqësuesi kosovar të zërë vend në ekipin ideal të xhiros së 24-të në ligën elitare të Rumanisë.

23 vjeçari i ka realizuar tetë gola deri tash në këtë edicion ndonëse ka luajtur shumë pak, ndërsa i ka bërë edhe dy asistime.

Rrahmani ishte transferuar në Rumani nga Ballkani, pas eksperiencës së jashtëzakonshme që e pati në Superligën e Kosovës.

Ai i ka zhvilluar dy ndeshje edhe me Kombëtaren e Kosovës. /Gazeta Express/