Rrahmani e humbi një rast të pabesueshëm nga dy metra me portën e zbrazët
RajoniPress
14:04, 28 Korrik, 2022
Amir Rrahmani e ka humbur ndoshta rastin më të mirë të jetës së tij.
Futbollisti kosovar ishte pjesë e miqësores së Napolit me Adanasporin, e cila përfundoi me rezultat 2:2, shkruan “Gazeta Express”.
Krejt golat u realizuan në pjesën e dytë, por protagonist i lojës ishte pikërisht qendërmbrojtësi prishtinas.
Rrahmani e pati rastin që t’ia sigurojë fitoren ekipit italian.
Por, ish-futbollisti i Dinamo Zagrebit e Veronës e humbi një rast të pabesueshëm.
Në fakt, 28 vjeçari e mori një top nga e djathta dhe, edhe pse e kishte portën e zbrazët, gjuajti lart dhe e qëlloi tërthorësen nga dy metra afërsi.
Sidoqoftë, përfaqësuesi kosovar njihet më shumë për mbrojtjen e portës së ekipit të tij pasi luan në pozitën e qendërmbrojtësit dhe ky gabim i falet atij. /Gazeta Express/
