Rrahje si në filma, pesë persona bëhen për spital, arrestohen nga polica

Gjilan – Policia e Kosovës është njoftuar për një incident “lëndim i rëndë trupor” këtu në Gjilan. Pas hetimeve të para mësohet se pesë persona të gjithë shqiptar shtetas të Kosovës nga një mosmarrëveshje e mëhershme rreth një borxhi kishin kontaktuar me telefon njeri tjetrin dhe kishin lënë vend takimin në rr. “idriz Seferi” në afërsi të Stacionit të Autobusëve.

Posa janë takuar përnjëherë kishin filluar ta sulmojnë njëri tjetrin me grushta, shqelma, por më pas kishin përdor edhe mjete të forta – shkopa druri. Pas rrahjes të njëjtit kanë kërkuar tretman mjekësor në Emergjencën Rajonale dhe posedojnë raportet mjekësore.

Në lidhje me rastin kemi kontaktuar Prokurorin e Shtetit i cila ka ardhur në stacion Policor dhe pas intervistimit të involvuarve në rast ka ndaluar të lartcekurit për 48-orë.

Rastin me Kallëzim Penal me procedurë të shpejt i dedikohet Prokurorisë Themelore për Krime të Përgjithshme në Gjilan njoftoj Ismet Hashani./rajonipress/