Rrahje në kafiteri, arrestohen të involvuarit

Gjilan – Policia e Kosovës ka pranuar një informatë për një incident këtu në Gjilan. Njësitet patrolluese nga stacioni policor i Gjilanit me urgjencë kanë dalë në vendin e ngjarjes. Nga hetimet e para mësohet se në kafiterinë “Kaoni” ka pasur një rast rrahje ku të dyshuarit kanë ikur, nga vendi i ngjarjes, të cilët edhe kishin shkaktuar dëme materiale në vlerë të konsiderueshme brenda lokalit.

Njësitet patrolluese kanë arritur t`i lokalizojnë dhe t`i arrestojnë dy të dyshuarit që ishin të involvuar në rastin e më sipërm. Të dyshuarit si pasojë e rrahjes kanë pësuar lëndime trupore, ku u është ofruar tretmani mjekësor në Emergjencë e Gjilanit.

Dy të dyshuarit janë intervistuar në prani të avokatëve mbrojtës. Rasti procedohet në njësinë e hetimeve njoftoj Ismet Hashani./rajonipress/

Shpërndaje.
© RAJONIPRESS