Rrahje në Budrikë të Epërme, sulm me thikë në Përlpenicë dhe grabitje në Gjilan

Gjilan – Në fshatin Budrikë e Epërme, të Vitisë pas një mosmarrëveshje verbale, dy të dyshuarit meshkuj kosovarë janë rrahur mes veti, si pasoj e rrahjes kanë pësuar lëndime trupore. Dy të dyshuarit kanë pranuar tretman mjekësor dhe me 11.08.2023 janë arrestuar. Pas intervistimit me vendim të prokurorit, njëri prej tyre është dërguar në mbajtje ndërsa i dyshuari tjetër është liruar.

Edhe në fshatin Perlepnicë, të Gjilanit, është arrestuar i dyshuari mashkull kosovar pasi që i njëjti ka sulmuar fizikisht duke e goditur me thikë viktimën mashkull kosovar. Viktima ka pranuar tretman mjekësor ndërsa i dyshuari me vendim të prokurorit dërgohet në mbajtje.

Kurse në rrugën “Esat Berisha” në Gjilan, viktima femër kosovare ka raportuar se një i dyshuar i panjohur i ka grabitur çantën e krahut dhe është larguar në drejtim të panjohur. Nuk raportohet për të lënduar. Rasti nën hetime njoftoi policia e Kosovës./rajonipress/