Rrahje me lëndime të rënda në Gjilan, dy persona bëhen për spital

Gjilan – Policia e Kosovës, Njësitet Reaguese nga Stacioni Policor i Gjilanit kanë pranuar një informatë për një incident që ka ndodhur këtu në Gjilan. Sipas hetimeve të para në vendin e ngjarjes, pas një mos marrëveshje në mes dy të dyshuarve dhe dy viktimave që të gjithë shqiptar shtetas të Kosovës ka ardhe deri tek përleshja në mes veti ku i dyshuari M.A. dhe i dyshuari tjetër besohet i afërt me të dyshuarin e parë kanë dalë nga vetura dhe i kanë goditur viktimat me mjete të forta duke i u shkaktuar lëndime të rënda trupore për ç’arsye edhe kanë kërkuar ndihmën e mjekut.

Dy viktimave ju është ofruar ndihma mjekësore në Spitalin Rajonal të Gjilanit ku pas trajtimit mjekësor janë intervistuar dhe janë liruar në shtëpi.

Lidhur me rastin është informuar Prokurori i shtetit, dhe me urdhër të tijë rasti është klasifikuar “Lëndim i rëndë trupor”, i dyshuari i parë M.A. është ndaluar në qendrën e ndalimit në Gjilan për 48 orë, ndërsa ndaj të dyshuarit dytë “Kallëzimi penal” procedohet në Gjykatë në procedurë të rregullt njoftoj Ismet Hashani./rajonipress/