Rrahje fizike në Ponesh dhe Rogoqicë

Gjilan – Në fshatin Ponesh, të Gjilanit janë arrestuar katër të dyshuar meshkuj shqiptar, të cilët pas një mosmarrëveshje rreth një rruge ishin përfshi në rrahje.

Si pasoj e rrahjes të gjithë kanë pësuar lëndime trupore dhe të njëjtit kanë marr tretman mjekësor. Pas intervistimit njëri prej të dyshuarve me vendim të prokurorit është dërguar në mbajtje, kurse tre të tjerë janë liruar në procedurë të rregullt.

Edhe në Kamenicë janë arrestuar dy të dyshuar meshkuj shqiptarë, të cilët pas një mosmarrëveshje rreth një prone kishin sulmuar njëri-tjetrin. Si pasojë e sulmit të dy kanë pësuar lëndime trupore dhe të njëjtit kanë marrë tretman mjekësor. Pas intervistimit dy të dyshuarit me vendim të prokurorit, janë dërguar në mbajtje.

Kurse në fshatin Rogoqicë të Kamenicës është arrestuar i dyshuari mashkull shqiptar, pasi që i njëjti kishte sulmuar fizikisht duke e goditur me një shufër metalike, viktimën mashkull shqiptar. Viktima ka pësuar lëndime trupore dhe ka pranuar tretman mjekësor.

Pas intervistimit i dyshuari me vendim të prokurorit, është dërguar në mbajtje njoftoj policia e Kosovës./rajonipress/