Rrahën si në filma, dy grupe të rinjsh përdorin mjete të forta, tre prej tyre përfundojnë në spital

Gjilan – Policia e Kosovës është njoftuar për një rast “Lëndim trupor“ që ka ndodhur në Rrugën “Elena Gjika” këtu në Gjilan.Njësitet Reaguese të Policisë së Kosovës me urgjencë kanë dalë në vendin e ngjarjes dhe nga hetimet e para mësohet se deri te incidenti ka ardhur kurë, katër të dyshuar që të gjithë shqiptar shtetas të Kosovës pas një mosmarrëveshje që kanë pasur mes veti me pesë persona të tjerë, nga ta tre të mitur, ka ardhur deri te rrahja mes tyre.

Të dyshuarit kanë përdorur mjete të forta dhe iu kanë shkaktuar lëndime të rënda trupore ku tre persona, ende janë në trajtim mjekësor në spitalin rajonal të Gjilanit.

Me vendim të Prokurorit të shtetit dy nga të dyshuarit janë ndalur në mbajtje për 48 orë.

Policia e Kosovës në bashkëpunim me Prokurorin është duke e hetuar rastin tha Ismet Hashani./rajonipress/