Roshi ndahet me skuadrën ruse pas pesë viteve, afër kalimit në Hungari

Futbollisti shqiptar, Odise Roshi do ta lë skuadrën e tij ruse, Akhmat Groznyn pas pesë viteve, shkruan “Zeri.info”.

Ndërsa ai është shumë afër t’i bashkohet skuadrës së Diosgyorit VTK, sipas raportimeve të “Supersport”.

Kjo e fundit ndodhet në vendin e fundit në renditje dhe kërkon lojtarë me cilësi për të shpëtuar sezonin dhe siguruar qëndrimin në elitën e futbollit hungarez.

Të martën Roshi do të jetë në Hungari për të hedhur firmën mbi kontratë.

Roshi këtë sezon ka luajtur në vetëm gjashtë ndeshje me Akhmat Grozny dhe ka shënuar dy gola, teksa vjen nga një dëmtim i vështirë i pësuar muaj më parë.

Tek Diosgyori VTK Roshi gjen Hysen Memollën, teksa po në Hungari aktivizohet edhe Myrto Uzuni. /Zeri.info