Ronela: Nuk mohoj asgjë, por nuk kam dëshirë të flas për jetën time private

Personazhet e njohura të skenës janë vazhdimisht pjesë e spekulimeve për jetën e tyre private.

Një prej tyre është edhe Ronela Hajati, e cila ka kohë që përfolet për një lidhje me kolegun Young Zerka, mirëpo dyshja asnjëherë nuk e ka pohuar romancën e tyre.

“Nuk kam dëshirë… Nuk është se po bëj: ‘Shiko se nuk jam dhe nuk kam kështu, kupton…’. Nuk e mohoj unë jetën time fare, jam shumë në rregull me të gjitha”.

“As e mohoj e as nuk e fsheh. Thjesht nuk dua të flas”, ka thënë këngëtarja për Prive duke sqaruar se nuk dëshiron të japë material për jetën e saj private.

Ndërkohë që ka theksuar se do ta konfirmojë lidhjen atëherë kur të vendosë të martohet, edhe atë vetëm dy muaj më parë.

“Do ta them dy muaj para, sepse duhet të ftohen njerëzit dhe nuk mund t’i ftosh ditën kur martohesh”, ka thënë Ronela.

Sa i përket karrierës, ajo ka thënë se ka dëshirë të madhe që t’ia kushtojë një këngë babait të saj dhe diçka të tillë e ka akoma si peng. /Telegrafi/