Rohde: Shpallja e pavarësisë së Kosovës një storie suksesi, Gjermania është dhe do të mbetet ndër aleatët më të afërt
RajoniPress
10:26, 12 Qershor, 2024
Ambasadori gjerman në Prishtinë, Jorn Rohde, ka shkruar me rastin e 25 vjetorit të Çlirimit të Kosovës dhe fillimit të vendosjes së misionit të NATO-s, shkruan Gazeta Express.
Diplomati gjerman ka kujtuar fjalët e ish-sekretarit britanik të NATO-s, George Robertson, i cili kishte thënë se qëllimi i ndërhyrjes së NATO-s ka qenë largimi i forcave të Millosheviqit, hyrja e NATO-s dhe kthimi i refugjatëve.
“Misioni ishte kompletuar”, citon Rohde fjalët e thëna nga Robertson më 1999.
“Shpallja e pavarësisë së Kosovës në vitin 2008 është një storie suksesi”, ka shkruar Rohde.
Në fund ambasadori gjerman ka shkruar se Gjermania është dhe mbetet një na aleatët më të afërt të Kosovës./Express/
