Rohde: Gjermania, e lumtur që ka një mike të ngushtë si Kosova

Ambasadori gjerman në Kosovë, Jorn Rohde, ka uruar për Pavarësinë e Kosovës.

Ai tha se vendi i tij është i lumtur që ka një mike të ngushë si Kosova pranë.

“Urimet e mia të përzemërta Kosovës për 15-vjetorin e Pavarësisë! Gjermania është e lumtur që ka një mike kaq të ngushtë pranë saj. Gëzuar të gjithë kosovarët që festojnë sot!”, shkroi Rohde.

Presidentja Vjosa Osmani dje ka pranuar letër urimi për 15-vjetorin e pavarësisë së Kosovës edhe nga presidenti i Republikës Federale të Gjermanisë, Frank-Walter Steinmeier.

Ai tha se dialogu me Serbinë, i udhëhequr nga BE-ja mbetet një sfidë thelbësore për vendin për normalizimin e marrëdhënieve të të dyja vendeve.

“Gatishmëria e të dyja palëve për një bashkëpunim konstruktiv dhe një bashkëjetesë paqësore mbetet esenciale për rrugën drejt BE-së. Në këtë rrugë Ju mund të jeni të sigurt që e keni mbështetjen e Gjermanisë si partnere e besueshme e Kosovës”, thuhet në letrën e urimit të presidentit Steinmeier dërguar presidentes Osmani.