Robin Krasniqi, kampion në versionin WBO

Me këtë rangim, Robin (Haxhi) Krasniqi ka shanset më të mira për të sfiduar kampionin zyrtar të botës Nathan Cleverly

Pas fitores së tij spektakolare më 25 gusht në Berlin kundër turkut deri atëherë të pamposhtur, Serdar Sahin, Federata e boksit profesionist WBO e ngriti Robin (Haxhi) Krasniqin në vendin e parë të listës së saj.

Me këtë rangim, asi i kategorisë gjysmë të rëndë, shqiptaro-gjermani Krasniqi ka shanset më të mira për të sfiduar kampionin zyrtar të botës Nathan Cleverly nga Anglia. Meqi kundër anglezit është dashur të zhvillohej në prillin që shkoi, por për shkak të sëmundjes së kampionit, ai u la për herë tjetër. Dhe, hera tjetër duket fare e realizueshme për Krasniqin 25 vjeçar.

Lidhur me suksesin më të ri, Robin Krasniqi për mediet gjermane thotë: “Jam jashtëzakonisht krenar për pozitën time në ranglistë. Qëllimi im është që të kthej sërish në Gjermani brezin e kampionit”.