Robert Ukaj mobilizon mbështetësit në Stubëll: Mesazh i fuqishëm për fitoren e LDK-së më 7 qershor

Viti – Stubëlla, një nga bastionet më të forta të Lidhjes Demokratike të Kosovës në Anamoravë, u shndërrua sot në një qendër të mobilizimit qytetar dhe politik, ku qindra mbështetës të LDK-së morën pjesë në një tubim masiv elektoral, duke dëshmuar përkrahjen e tyre për vizionin dhe kandidatët e kësaj partie. Në mesin e kandidatëve që morën vëmendje të veçantë ishte edhe Robert Ukaj, i cili vazhdon të fitojë mbështetje të konsiderueshme në terren falë angazhimit të tij të vazhdueshëm dhe afërsisë me qytetarët. Pjesëmarrja e tij në këtë tubim u vlerësua si një dëshmi e përkushtimit për të përfaqësuar interesat e qytetarëve dhe për të sjellë energji të re në Kuvendin e Kosovës.

Në takim morën pjesë Kryetari i Degës së LDK-së në Viti, Sokol Haliti, kandidatët për deputetë Vjollca Kadolli Halili, Arta Ajeti, Ibush Beqiri dhe Robert Ukaj, si dhe gjenerali Fadil Hadergjonaj dhe Dr. Lulzim Zeneli.

Atmosfera entuziaste dhe pjesëmarrja e madhe e qytetarëve përcollën një mesazh të qartë nga Stubëlla: mbështetje të fuqishme për LDK-në dhe për kandidatët e saj në zgjedhjet e 7 qershorit.

Robert Ukaj theksoi rëndësinë e unitetit, angazhimit qytetar dhe besimit në vlerat që përfaqëson LDK-ja, duke e cilësuar këtë mobilizim si një hap të rëndësishëm drejt fitores.

Nga Stubëlla u dha mesazhi i qartë se fryma e fitores po forcohet çdo ditë e më shumë, ndërsa mbështetësit e LDK-së po bashkohen rreth numrit 113 për zgjedhjet e 7 qershorit./rajonipress/