Robert Ukaj fiton mbështetje gjithnjë e më të madhe në Viti: Mobilizim i fuqishëm i degëve dhe nëndegëve të LDK-së në prag të zgjedhjeve

Viti – Kandidati i Lidhjes Demokratike të Kosovës për deputet, Robert Ukaj, po vazhdon të marrë mbështetje të gjerë në të gjitha lokalitetet e komunës së Vitisë, ndërsa mobilizimi i strukturave të LDK-së dhe qytetarëve po rritet nga dita në ditë në prag të zgjedhjeve.

Nga Budrika e Epërme, Skifteraj, Pozherani, Zhitia, Ballanca, Begunca e deri në Ramnishtë, mesazhi i mbështetjes për kandidatët e LDK-së po bëhet gjithnjë e më i fuqishëm, me Robert Ukajn që po spikat si një nga emrat më të përkrahur të degës së Vitisë.

Robert Ukaj, së bashku me kolegët e tij kandidatë për deputetë, Vjollca Kadolli, Arta Ajeti dhe Ibush Beqiri, morën mbështetje të fuqishme nga strukturat dhe qytetarët në lokalitete të ndryshme të Vitisë, duke përcjellë mesazhin e unitetit dhe angazhimit për përfaqësim dinjitoz në Kuvendin e Kosovës.

Aktivistë dhe qytetarë të shumtë kanë shprehur besimin e tyre tek kandidati me numrin 87, duke vlerësuar angazhimin e tij, përvojën e fituar në mërgatë dhe vizionin për një përfaqësim më të fuqishëm të Anamoravës dhe diasporës në Kuvendin e Kosovës.

Në tubime dhe takime të ndryshme zgjedhore, shtabet lokale të LDK-së kanë konfirmuar përkrahjen e tyre për kandidatët e degës së Vitisë, ndërsa emri i Robert Ukajt po përmendet gjithnjë e më shumë si një figurë e re që po fiton besimin e elektoratit.

Mobilizimi i shtabeve në Pozheran, Skifteraj, Zhitia, Ballancë, Beguncë dhe Ramnishtë është shoqëruar me pjesëmarrje të madhe të qytetarëve, të cilët kanë shprehur mbështetjen e tyre për vizionin e LDK-së dhe kandidatët që përfaqësojnë komunën e Vitisë.

Mbështetësit e Robert Ukajt theksojnë se kandidatura e tij përfaqëson një kombinim të përvojës së diasporës, përkushtimit ndaj vendlindjes dhe frymës së vlerave rugoviane, duke e parë atë si një zë të rëndësishëm për qytetarët e Anamoravës në institucionet qendrore.

Me numrin 87 në listën e LDK-së, Robert Ukaj po vazhdon rrugëtimin e tij elektoral me mbështetje në rritje, ndërsa strukturat e partisë në Viti shprehen të bindura se energjia, uniteti dhe besimi i qytetarëve do të përkthehen në një rezultat të fuqishëm në zgjedhjet e ardhshme./rajonipress/