Ritmi i punës: Rri dhe shiko ose kur “Keq punohet”

Gjilan – Në dalje të Gjilanit, pra aksi për Prishtinë është duke u punuar në zgjerimin e rrugës. Banorët që ndodhen përskaj rrugës janë të shqetësuar me ritmin e punës. Nëse shikohen fotot nuk e keni lehtë të kuptoni ose të merrni përgjigje se kur mund të përfundojnë punimet.

Banorët që jetojnë përgjatë aksit ku po zhvillohen punimet kanë dërguar foto ku shihen punëtorët duke shikuar njëri tjetrin dhe duke bërë muhabet. Me këtë ritëm të punës banorët thonë se kjo rrugë nuk mund të kryhet as në tetor.

Punëtorët ndërkaq thonë se kjo rrugë është pak e komplikume sepse ka punime shtesë profesionale.

Hasani një vozitës i përditshëm thotë se megjithatë kjo kompani po i respekton sinjalizimet dhe me kohë rruga është e kalueshme për dallim nga rruga e Livoqit dhe e Bujanocit, ku sinjalisitika mungonte.

Skenderi një tjetër banor thotë se e keqja është se kompanitë nuk po i parashohin në projekt detajet e rrugës.”Edhe këtu kanë dalur punë shtesë dhe pastaj po ndodhin penalizimet dhe vonesat. Kur të vijë korriku këtu nuk jetohet nga pluhuri” u shpreh Skenderi./rajonipress/