Rita sjell pamje nga Kosova: Ende nuk mund ta heq nga mendja vendlindjen

Rita Ora ka postuar pamje nga vizita që i ka bërë fëmijëve në Kosovë.

Para pak javësh këngëtarja nga Kosova me famë botërore, Rita Ora ka vizituar vendlindjen e saj në kuadër të UNICEF.

Gjatë kësaj vizite tre ditore, Rita ka vizituar shumë fëmijë, të cilëve iu ka dhuruar përkrahje, shkruan Gazeta Express.

Ndërsa sot Rita ka postuar pikërisht disa pamje nga kjo vizitë në vendlindje, ndërsa ka shkruar se ajo nuk po mund t’i harrojë ditët në Kosovë.

“Ende jam duke menduar për disa javë më parë kur e kam vizituar vendlindjen time Kosovën dhe ku kam parë sa të mrekullueshëm kanë qenë UNICEF në përkrahjen e fëmijëve të së ardhmes.”

“Unë kam pasur dëshirë t’i jap fëmijëve disa lodra dhe nuk mund ta përshkruaj se sa të lumtur ishin ata, u mbusha me lot sepse isha në gjendje të sjell buzëqeshje në fytyrat e këtyre fëmijëve.”

“Si ambasadore e vendit tim, Kosovës, është detyrë e imja të sigurohem që mund të bëj çfarë do që mundem që të ‘ndriçoj’ bamirësitë si UNICEF të cilët punojnë shumë për të siguruar rëndësinë e jetës së një fëmije. Me ndihmën tuaj ne mund të bëjmë me të vërtetë më shumë nëpër botë dhe të vazhdojmë të përkrahim të ardhmen tonë”, ka shkruar Rita në postimin e saj, duke falënderuar në fund UNIEF-in/Gazeta Express/