Rita: Pres shumë nga vetja

Këngëtarja e njohur me prejardhje nga Kosova, Rita Ora, thotë se asnjëherë nuk është e kënaqur me të arriturat e saj dhe gjithmonë është në kërkim të perfeksionimit.

Ajo për revistën e njohur “Glamour” në edicionin gjerman ka thënë se pret shumë nga vetja.

“Pres shumë nga vetja. Kërkoj përherë perfeksionimin. Nëse do të brengosesha për pritjet e të tjerëve, mendoj se do të çmendesha”, ka thënë Rita.

Ajo po ashtu foli për rrjetet sociale duke thënë se ato duhet trajtuar në mënyrë shumë delikate.

“Është e lehtë që të harrosh sa njerëz të përcjellin në rrjete sociale. Duhet të mësoni se çfarë të thoni dhe çfarë jo. Por, kjo është pjesë e imja tani, duhet të tregoj jetën time ditore me të tjerët – kjo është pjesë e punës sime”, ka thënë 24-vjeçarja.

Këngëtarja momentalisht është mentore në “The Voice UK” dhe është duke punuar në albumin e dytë.

© KOHA.net