Rita Ora shkëlqen me dukjen e saj plot stil në Javën e Modës në Paris

Ajo është duke tërhequr vëmendjen e të gjithëve me paraqitjen e saj në Javës së Modës në Paris.

Rita Ora mori vëmendjen edhe një herë, pasi ajo la hotelin e saj për të marrë pjesë në prezantimin e koleksionit të ri nga “Miu Miu” në SS20, në kryeqytetin francez të martën pasdite, shkruan DailyMail, transmeton Telegrafi.

Krijuesja e hitit “Your Song”, 28 vjeçe, ktheu kokën ndërsa tregoi figurën e bujshme trupore në një mini-fustan kremi, plot elegancë.

Fustani i dizajnuar me diamante të ndezura, bëri që dukja e këngëtares shqiptare të ishte edhe më atraktive.

Artistja e lindur në Prishtinë, e sofistikoi pamjen e saj me zgjedhjen e duhur të aksesorëve, ndërsa kishte vënë një palë doreza, që e bënë të dukej edhe më joshëse.

Një palë syze klasike klasike nuk munguan për të perfeksionuar stilin e këngëtares Ora, e cila në modë investon thuajse paralelisht me muzikën.

Rita së fundmi në një intervistë për Daily Star Online, foli hapur rreth seksualitetit të saj, duke thënë se i vjen keq që dëgjon zëra ose lajme në media që ajo është në lidhje me çdo mashkull me të cilin takohet.

Duke folur për jetën e saj të dashurisë, Rita tha: “Unë admiroj bukurinë nga burrat dhe gratë. Unë i shoh gjërat pa pamjen e jashtme dhe pa gjini, për mua ka të bëjë me personin”.

Rita – e cila është konfirmuar se do t’i bashkohet panelit gjykues në shfaqjen e talenteve të reja “The Masked Singer”, vitin e kaluar publikoi këngën “Girls”, e cila trajtonte temën e biseksualitetit dhe dashurisë për veten. /Telegrafi/

Rita Ora shkëlqen në Javën e Modës në Paris (Foto: Pascal Le Segretain/Getty Images/Guliver)