Rita Ora lavdërohet edhe nga mediet serbe

Publikimi i klipit, “Shine Ya Light”, i Rita Orës i realizuar në Kosovë, ka bërë një promovim të madh të shtetit tonë në botë. Por, ajo që ka rënë në sy këto ditë, është se si mediat serbe e kanë prezantuar suksesin e Ritës, sidomos me klipin e ri të xhiruar në Kosovë.

Në revistat dhe portalet serbe, Rita është përshkruar si, pop ylli i ri që ka realizuar videoklip për Kosovën. Ata e kanë prezantuar Ritën duke e përshkruar atë si vajzë shqiptare e lindur në Kosovë, por e rritur në Londër dhe me një fillim karriere shumë të bujshme.

Megjithatë, në kohën kur këngëtarjja shqiptare kishte ardhur për xhirimet e “Shine Ya Light”, mediet serbe si “Blic” e te tjera, ishin munduar ta devijojnë situatën duke thënë se Rita ka ardhur në Kosovë për ta xhiruar klipin dhe shfaqur trupin e saj./Indeksonline/