Rita me miqtë e saj flet shqip në prapaskenat e koncertit

Këngëtarja Rita Ora është duke mbajtur një tur koncertesh nëpër Evropë.

Mbrëmë (premte) ajo ka kënduar në Munich, ku ka dhuruar një performancë të zjarrtë për publikun e shumtë që ishte në sallë për këngëtaren shqiptare.

Shumë nga prapaskenat e koncertit, Rita vendosi t’i ndajë me fansat në rrjetet sociale, duke treguar se si ajo dhe stafi kalojnë kohën pak para se të bëhen gati për shfaqje.

Duket se këngëtarja shqiptare flet herë pas here edhe shqip, ndonëse stafi i saj dhe shoqëruesit përbëhen nga të huaj.

Në një video të publikuar së fundmi në InstaStory, Ora shfaqet duke xhiruar një nga miqtë e saj në prapaskenë, teksa i drejtohet me fjalët: “Budalla, kqyrum”.

Videoja në fjalë ka bërë për të qeshur shumë prej ndjekësve të saj, ndërsa ka lumturuar fansat shqiptarë, të cilët ndjehen mirë sa herë që ajo flet shqip.

Në mbishkrimin e kësaj videoje, Rita ka treguar se në këtë koncert po shoqërohet nga miqtë e saj më të mirë. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).