Rita: Kosova ka nevojë për mbështetje

Rita Ora, e cila ka performuar në koncertin bamirës Gucci’s Sound of Change, të mbajtur gjatë fundjavës në Londër, nuk ka harruar ta përmend Kosovën.

Duke folur lidhur me këtë projekt, Rita ka treguar se “Chime for Change” për të ishte një mundësi e mrekullueshme për të mbështetur atë në çka ajo beson.

“Unë jam nga Kosova, një vend që ka nevojë për shumë mbështetje, qoftë për shëndetësi, para … çdo gjë, sepse ka shumë vite që ka qenë zonë lufte. Prandaj për mua është diçka dhjetë herë më e veçantë. Jemi angazhuar në shëndetësi në Kosove për një kohë dhe unë dhe bamirësia ime po punojmë në një qendër rinore për femra , për të shprehur mendimet, për të gjetur strehim e ushqim dhe çkado që kanë nevojë”, ka thenë këngëtarja e lindur në Prishtinë..

Koncerti bamires që zgjati katër orë ka mbeldhur mjete që do të shkojnë në fondin për bamirësi të Gucci Chime for Change, një nismë e themeluar nga Beyonce Knowles, Salma Hayek-Pinault dhe Frida Xhanini, me qëllim të theksimit të çështjes së gruas në nivel global, duke bërë thirrje për më shumë cilësi në arsim, shëndetësi dhe drejtësi./Indeksonline/