Rinia e LDK-së në Viti i jep mbështetje të fuqishme Robert Ukajt për deputet: Mobilizim i madh për tubimin e 3 qershorit

Vitia – Rinia e Lidhjes Demokratike të Kosovës ka konfirmuar angazhimin e saj maksimal për organizimin e tubimit të madh zgjedhor të 3 qershorit, duke treguar mbështetje të pakursyer për kandidatët e LDK-së, veçanërisht për Robert Ukajn, kandidatin që po fiton mbështetje të gjerë nga qytetarët dhe rinia në komunën e Vitisë.

Në një takim të zhvilluar së fundmi me Kryetarin e Komunës, Sokol Haliti, dhe kandidatët për deputetë, rinia e LDK-së ka diskutuar për strategjinë e mobilizimit dhe energjinë që do të bartë ky tubim, i cili do të mbahet në sheshin e qytetit të Vitisë më 3 qershor, ora 17:00.

“Robert Ukaj është një kandidat i angazhuar, që di të dëgjojë qytetarin dhe të përfaqësojë interesat e rinisë dhe të komunitetit tonë,” theksuan organizatorët dhe pjesëmarrësit në takim, duke vlerësuar lidershipin dhe vizionin e tij.

Tubimi i 3 qershorit pritet të jetë një ngjarje masive, ku Vitia do të elektrizohet me mbështetjen për kandidates për Presidente, Vjosa Osmani, kandidatit për Kryeministër, Lumir Abdixhiku, dhe kryesisht për Robert Ukajn, si simbol i rinisë, energjisë dhe ndryshimit që qytetarët presin në Kuvend.

Organizatorët ftojnë qytetarët nga e gjithë komuna të marrin pjesë në këtë takim përmbyllës para zgjedhjeve të 7 qershorit, duke dhënë një mesazh të qartë: mbështetje e fuqishme dhe besim në vlerat e LDK-së dhe kandidatin Robert Ukaj./rajonipress/