Rinia e Kamenicës përkrahë Shaip Surdullin dhe LDK-në

Gjilan – Kryetari aktual i komunës së Kamenicës, njëherit kandidat për kryetar komune Shaip Surdulli, ka thënë se fitorja e LDK-së, është e sigurt, dhe se s`ka asnjë dilemë se ne do të dalim fitues në zgjedhjet e 3 nëntorit.

Në prani të mbi 500 pjesëmarrësve kryesisht të rinj nga komuna e Kamenicës, Lidhja Demokratike e Kosovës, të dielën ka mbajtur tubimin e radhës me të rinj të kësaj komune, raporton rajonipress.

Kryetari aktual i komunës së Kamenicës, njëherit kandidat për kryetar komune Shaip Surdulli, ka thënë se fitorja e LDK-së, është e sigurt, dhe se s`ka asnjë dilemë se ne do të dalim fitues në zgjedhjet e 3 nëntorit. “Përgjatë 4 viteve qeverisje kemi arritur që të rinovojmë shumë shkolla, ambulanca, rregullimin e ngrohjes qendrore në shumicën e shkollave të komunës së Kamenicës, kemi ndihmuar të rinjtë për aq sa kemi pasur mundësi buxhetore, por në mandatin e ardhshëm do të punojmë edhe më shumë që të rinjtë e Kamenicas t’i përkrahim edhe në punësim, edhe me bursa për student” ka thënë Surdulli.

Ndërkaq, Alban Mehmeti, kandidat për delegat në asamble komunale ka thënë se Kryetari aktual i komunës së Kamenicës njëherit kandidat për kryetar të komunës së Kamenicës ka qenë përkrahës i rinisë, andaj meriton që edhe më tutje të përkrahet.
“ E dashur rini, mos hezitoni të punoni për LDK-në, për fitoren e 3 nëntorit. Me 3 nëntor votoni LDK-në, me numër 78 dhe për kryetar të komunës Shaip Surdulli “ ka thënë Memeti.

Kurse, Dafina Isufi, kandidate për asamble komunale ka thënë se përvoja dhe eksperienca e kryetarit Surdulli, që me lehtësi diti t`i driblojë dhe mposhtë rivalët na jep mësim të mjaftueshëm që edhe tani, por edhe në të ardhmen të dalim fitues në gara të tilla. Prandaj përgjegjësitë dhe detyrat që kemi marrë është nderë dhe privilegj të jesh pjesë e ekipit fitues të Kryetarit Shaip Surdulli.

Në fund u bë prezantimi i kandidatëve për asamble komunale në Kamenicë thuhet në njoftimin e degës së LDK-së në Kamenicë./rajonipress/