Rilind Nivokazi me tjetër paraqitje fantastike në Zvicër, shënon ndaj Zurichut

Sulmuesi kosovar Rilind Nivokazi sërish ka gjetur rrugën drejtë portës, këtë herë në përballjen ndaj Zurichut.

Sion u ndalë në një barazim 2-2 ndaj Zurichut, ku luajtën plot pesë lojtarë shqiptarë (Kreshnik Hajrizi, Donat Rrudhani, Rilind Nivokazi, Lindrit Kamberi dhe Bledian Krasniqi).

Më i vlerësuari ishte Rilind Nivokazi, i cili në fakt edhe shënoi golin e dytë të Sionit, për t’a rikthyer epërsinë.

“SofaScore” e vlerësoi me notën 8.9, ku kishte plot gjashtë goditje, dy prej tyre në portë, ndërsa dy të tjera iu bllokuan.

Kreshnik Hajrizi u vlerësua me notën 6.4, Donat Rrudhani me 6.5 ndërsa te Zurichu, mbrojtësi Lindrit Kamberi me 6.2 derisa i inkuadruari Bledian Krasniqi me 7.0.

Për Nivokazin ky është goli i shtatë në Superligën e Zvicrës, ku ka vetëm dy më pak nga golashënuesi numër një Fassnacht./Telegrafi/