RCCOLA

Rikthimi i Thaçit

/ 2 minuta lexim

Pas disa muajsh pauzë, tërheqje nën hije nga aktiviteti politik ofanziv, presidenti i Kosovës Hashim Thaçi është rikthyer furishëm në skenën politike. Ditëve të fundit kreu i shtetit u imponua duke e shfrytëzuar edhe vizitën e të dërguarit të posaçëm të SHBA-së për dialogun Kosovë –Serbi, Richard Grenell, për ta marrë vëmendjen e medieve dhe të publikut, shkruan sot gazeta “Zeri”.

Për disa muaj radhazi presidenti i Kosovës, Hashim Thaçi, nuk u pa aktiv në publik. Por kreu i shtetit së fundi është riaktivizuar hovshëm në skenën politike, shkruan gazta “Zeri”.

Të martën mbrëma në Kosovë mbërriti i dërguari i posaçëm i SHBA- së për dialogun Kosovë – Serbi, Rich- ard Grenell. Vetëm dy orë para takimit zyra e presidentit njoftoi se Thaçi do të zhvillojë darkë pune me Grenellin.

Mobi Casa

Kë- sisoj, përmes një paraqitjeje për medie bashkë me zyrtarin e lartë amerikan, Thaçi rrëmbeu i pari ekskluzivitetin, pasi që paraqitjet e tjera të dërguarit të posaçëm të SHBA-së për dialogun Kosovë – Serbi (pas takimeve që pati me liderët e partive) u mbajtën tek ditën e nesërme – të mërkurën, shkruan tutje “Zeri”.

Riaktivizimin e tij presidenti i Republikës së Kosovës e shpërfaqi edhe në Forumin Botëror Eko- nomik të Davosit, ku takoi disa liderë të ndryshëm botërorë.