Rifat Jashari: Krenar që gjendem para kësaj ushtrie që e kemi prit “dem baba dem”

Vëllai i heroit Adem Jashari, Rifat Jashari, ka folur sot në nder të 25-vjetorit të Epopesë së Ushtrisë Çlirimtare të Kosovës.

Jashari dha një mesazh bashkimi. Ai tha se është krenari për të që të gjendet para ushtarëve të FSK-së, për të cilën është pritur e ëndërruar gjatë.

“Sot, Ushtria Çlirimtare e Kosovës na ka bashkuar për 25-vjetorin e Epopesë së Lavdishme. Është kënaqësi dhe krenari me qenë para kësaj ushtrie që e kemi prit dem baba dem. Ju uroj 25 vjetorin, shëndet e punë të mbarë. Lutem t’i arrijmë qëllimet tona shekullore për hir të luftës, gjakut të bijve tanë e gjejmë një gjuhë të përbashkët dhe t’i arrijmë qëllimet deri në maksimum si të gjitha shtetet që ekzistojnë në botë”, tha Jashari.

5, 6 dhe 7 mars janë datat që shënojnë rezistencën e familjes Jashari në Prekaz, e cila u sulmua nga forcat e okupatorit serb. /Telegrafi/

Adem JashariEpopeja e UÇK-sëRifat Jashari