Riaktivizohet KF “Bashkimi”

Gjilan – Klubi futbollistik historik i qytetit të Gjilanit KF Bashkimi i cili ishte themeluar me 15 korrik 1941 i cili ka lënë gjurmë të pashlyera tek popullata shqiptare gjatë atyre viteve, riaktivizohet bërë të bërë histori në futbollin e Kosovës.Në Kuvendin e KF Bashkimi u arrit në praninë e shumë dashamirëve të futbollit që kryetar i KF Bashkimi të jetë ish futbollisti i dëshmuar C- Zvezdës, së Gjilanit Enver Elezi.

Ky klub historik i qytetit të Gjilanit ishte rithemeluar gjatë vitit 2007 duke bërë gara gjerë në stinorin 2013-2014 por për shkak mjeteve financiare ishte detyruar të ndërprej aktivitetin e saj sportiv.

Shumë dashamirë të futbollit nuk ndejtën duarkryq u mobilizuan, dhe në Kuvendin e mbajtur të këtij klubi u zgjodhën organet udhëheqëse të cilat do ta mbajnë gjallë këtë mes futbollistik.

Në Kuvendin e KF Bashkimi u arrit në praninë e shumë dashamirëve të futbollit që kryetar i KF Bashkimi të jetë ish futbollisti i dëshmuar C- Zvezdës, së Gjilanit Enver Elezi.

Drejtor u zgjodh Ramadan Ahmeti ndërsa sekretar Besim Azizi, Kuvendi i këtij klubi zgjodhi edhe shtatë anëtarët e kryesisë Enver Elezi, Ramadan Ahmeti, Jakup Berisha, Fahredin Sherifi, Maksut Maksuti, Shemsedin Abazi e Rrustem Hajdari.

Në këtë kuvend Besim Azizi në mënyrë profesionale shpalosi statusin e klubit duke njoftuar se të gjitha ndryshimet janë në përputhshmëri me statuset e FIFA-s.

Ish legjendat e futbollit Gjilanas Maksut Maksuti, Fahredin Sherifi, e Jakup Berisha me mburrje treguan historikun e KF Bashkimi duke theksuar se ky klub prioritet do të ketë afrimin dhe kultivimin e frymës sportive.

Kryetari klubit Bashkimi Enver Elezi i cili njëherit është iniciatori i riaktivizimit të klubit historik tha se ndihem krenar dhe i priveligjuar që do t`i prijë një klubi me këtë traditë shumë vjeçare patriotike e sportive. “Jam i nderuar që do të bashkëpunoj me legjendat e futbollit Gjilanas, do të bashkëpunojmë me të gjitha klubet futbollistike dhe nuk do të ketë përçarje dhe klubi Bashkimi do të jetë një klub i ardhmërisë jo vetëm i qytetit të Gjilanit, por edhe më gjerë, ndërsa shumë shpejt do të koordinohemi edhe për hapjen e shkollës së futbollit pranë klubit tonë”.

Elezi ka edhe një porosi të veçantë për të gjithë futbolldashësit njashtu edhe për futbollistët.”Dyert e klubit do të jenë të hapura për të gjithë dhe kërkojmë bashkëpunim dhe nuk do të zhgënjeheni me kushtet dhe punën që do t`ju ofrojmë”./rajonipress/