Rezultatet e zgjedhjeve, brenda ditës!

Komisioni Qendror i Zgjedhjeve, planifikon që gjatë zgjedhjeve të 3 nëntorit të avancojë praktikat e shpalljes së rezultateve për kryetarët e komunave dhe subjekteve që kanë kandiduar për kuvendet komunale.

E gjithë kjo sipas zyrtarëve në KQZ do të mundësohet përmes projektit K-Vote, i cili në kohën reale dhe më së largu deri në orën 21:00, do të bëjë publike rezultat preliminare nga të gjitha komunat e Kosovës ku është votuar.

Ky projekt i cili në zgjedhjet për Kaçanik dhe Ferizaj, ka qenë në fazën testuese pritet të realizohet për të gjitha komunat, konkretisht në 800 qendra votimi sa pritet të hapen më 3 nëntor. Anëtar i KQZ-së, Florian Dushi ka dhënë detaje për projektin (Tribuna).