Rezervat e shtetit shpenzohen për ahengje

Miliona euro të buxhetit rezervë të Qeverisë së Kosovës që është i planifikuar për raste emergjente apo shpenzime të paplanifikuara në raste të rëndësishme për shtetin, gjatë gjithë vitit shpenzohet me vendime ad-hoc për festa dhe aktivitete të ndryshme që do të duhej të planifikoheshin pasi janë shpenzime të përvitshme.

Në pothuajse shumicën e mbledhjeve të Qeverisë, nga një pikë e rendit të ditës i kushtohet ndarjes së mjeteve nga buxheti rezervë për manifestime të ndryshme për festa të komuniteteve të ndryshme dhe ngjarjeve të llojllojshme.

Një e tillë ishte paraparë edhe të martën në mbledhjen e Qeverisë por pas një reagimi të ministres Vlora Çitaku, u shty të paktën deri në mbledhjen e radhës.

Propozim-vendimin e radhës për ndarjen e mjeteve nga buxheti rezervë ishte obliguar ta lexonte zv/kryeministri Bujar Bukoshi (tribuna).