Rexhepi: Të huajt më penguan ta ndaloj ekstremizmin

​Ministri në detyrë i Punëve të Brendshme Bajram Rexhepi ka thënë për gazetën “Zëri” se qysh në vitin 2004 kur ka qenë në pozitën e kryeministrit, kishte marrë iniciativë që të ndalohet ekstremizmi në Kosovë, por ai thotë se të huajt ishin ata që e penguan.

Rexhepi tha se në atë kohë ka propozuar një draft ligj i cili ndalon një organizim fetar, por zyrtarët ndërkombëtar nga Strasburgu nuk e kanë lejuar një gjë të tillë.

“Një draft ligj e kam propozuar edhe i kam propozuar grupit punues me trajtuar në ndonjë paragraf ku e ndalon një organizim sektar (fetar), që është pak i huaj për programin tonë tradicional, pra me ndalu me ligj, mirëpo ndërkombëtarët nga Strasburgu kanë ndërhyrë dhe nuk e kanë lejuar që kjo të shkoj në formë procedurale. Kjo është e tëra”, ka deklaruar Rexhepi.